A delegada da Xunta na Coruña, Belén do Campo, visitou os albergues xuvenís de Virxe do Loreto, en Porto do Son, e Espiñeira, en Boiro, para supervisar os últimos preparativos antes do comezo da campaña Modo Verán Activo.
Entre ambos os recintos ofertaranse este verán 1.218 prazas, con campamentos e programas de lecer para nenos e mozos, despois dun investimento superior aos 150.000 euros destinado a mellorar as instalacións, renovar equipamento e reforzar a seguridade e o confort dos participantes.
