Arquivada provisionalmente a causa da desaparición de Diana Quer

Desolación para os pais de Diana Quer, a moza desaparecida fai case 8 meses na Pobra do Caramiñal. O xuíz de Ribeira, Félix Isaac Alonso, que leva a investigación da desaparición da moza, reunía a Juan Carlos Quer e Diana López-Pinel para comunicarlles a decisión de sobreser temporalmente o caso, e levantar o segredo de sumario. O xuíz tomou esta determinación, segundo informa o Tribunal Superior de Xustiza de Galicia (TSXG), porque non hai indicios suficientes que incriminen a ninguén. No caso de que aparezan novas probas retomarase a investigación.