A Xunta de galicia apoia o fomento do emprendemento entre os mozos e mozas

A directora xeral de Xuventude, Participación e Voluntariado, Cecilia Vázquez, participou na clausura da III Xornada de xuventude e emprego que se desenvolveu no concello do Porto do Son, un espazo aberto cara a empregabilidade que ofreceu á mocidade unha alternativa para detectar oportunidades laborais e promover novos proxectos empresariais, así como o espírito emprendedor dos mozos e mozas.
Trátase dunha iniciativa que tivo como obxectivos achegar aos mozos e mozas alternativas de emprego, fomentar o emprendemento entre a mocidade, prestar apoio no proceso de maduración de ideas emprendedoras, e informar e asesorar sobre os distintos recursos para a posta en marcha de iniciativas emprendedoras (como programas de formación e emprego e liñas de axudas). O alcalde e a Directora Xeral animaron os mozos e mozas a por en práctica o aprendido.