Exactamente cen anos despois da posta da quilla á embarcación Santa Isabel na factoría de Ribagorda en Cádiz –labor acontecido o 28 de outubro de 1914-, o Concello vai inaugurar a -en palabras do alcalde Manuel Ruiz- “exposición máis importante de cantas se realizaron en Riveira”.
Será este martes ás 20.30 horas cando “O Santa Isabel: Emigración, Traxedia, Heroísmo” abra as súas portas no Auditorio Municipal. O rexedor riveirense estivo acompañado no acto de presentación pola delegada de Cultura, Elvira Pisos, e pola comisaria da mostra e responsable da Sala Museo Municipal, Pilar Casas.
Ruiz Rivas salientou o especial sentimento que esperta aínda hoxe este suceso entre a veciñanza do municipio, ao tratarse do maior naufraxio ocorrido nas nosas costas e ante actitude heroíca dos veciños, encarnada principalmente nas Heroínas de Sálvora.
http://youtu.be/YBkI9sRqf1s
