Patróns Maiores da Ría de Arousa pedirán á Consellería do Mar a rexeneración de zonas de libre marisqueo

A campaña do libre marisqueo na Ría de Arousa chega ó seu fin este mes de marzo, e os patróns maiores das confrarías da ría reuníronse para valorar a situación dos bancos marisqueiros. Unha das maiores preocupacións para os responsables das confrarías é a baixa produción de algúns bancos marisqueiros, principalmente os Lombos do Ulla, o Bohído e Cabío.