Esta mañá déronse a coñecer as últimas cifras de paro en Galicia, as correspondentes a xullo, e trátanse de cifras récord. A comunidade rexistrou o nivel de desemprego máis baixo nun mes de xullo de toda a serie histórica ao haber 107.858 persoas paradas, sendo a mellor cifra dende que hai rexistros só por detrás dos datos de xuño. E por segundo mes seguido se rompe o teito do máximo histórico de afiliacións á Seguridade Social con 1.113.486 cotizantes. Datos que enxalzou o conselleiro de Emprego, José González.
NOVO RÉCORD DE AFILIACIÓNS AO REXISTRAR GALICIA MÁIS DE 1.110.000 COTIZANTES


