Ás nove da mañá ingresaban nos Xulgados de Ribeira os seis detidos pola pelexa multitudinaria do pasado martes no Centro Recreativo de Artes. Son catro homes e dúas mulleres pertencentes á familia santiaguesa que durante a mañá prestaron declaración defendendo a súa versión do ocorrido.
Un importante número de axentes custodiaba o acceso ao inmoble xudicial dende primeira hora da mañá para evitar posibles altercados, aínda que a entrada nos xulgados transcorreu con total normalidade.
A Policía Nacional impútalles delitos de lesións, pelexa tumultaria e fuga, aínda que non se descarta que se lles apliquen máis sancións.
Polo momento Ribeira segue fortemente custodiada pola Policía Nacional, cunha unidade constantemente na entrada do poblado da Conlleira e diferentes unidades patrullando o termo municipal.
