Contar cunha rede moderna, robusta e adaptada. Esa é a demanda que transmitiu o presidente da Xunta ao Goberno central no foro Galicia hacia el futuro, organizado por EuropaPress.
Rueda resaltou que reforzar as actuais infraestruturas eléctricas na comunidade e mellorar a evacuación das enerxías renovables é unha necesidade “real e urxente” para o tecido produtivo xa que, manter as actuais condicións, supón unha ameaza directa para o crecemento económico e a atracción de investimentos na comunidade.

