Abril encara o seu final, pero este mes iniciouse coa conmemoración do Día das Artes Galegas, que este ano homenaxea a Isaac Díaz Pardo. E Ribeira contou cun acto especial para recordar a figura deste destacado intelectual galeguista e artista. O Museo do Gravado de Artes abriu as súas portas onte para acoller a conferencia titulada “Isaac Díaz Pardo. O pintor que non quixo ser artista”, impartida pola especialista en Historia da Arte Rosario Sarmiento.
