O pleno da Deputación da Coruña, presidido hoxe polo vicepresidente Xosé Regueira por ausencia de Valentín González Formoso, que participou en Ferrol na sinatura do protocolo do proxecto Abrir Ferrol ao Mar, aprobou hoxe unha moción presentada polo grupo do PSdeG-PSOE relativa á condonación da débeda das comunidades autónomas co Goberno do Estado. A iniciativa saíu adiante cos votos favorables de PSOE, BNG e AV e o voto en contra do Partido Popular.
O PLENO DA DEPUTACIÓN ACORDA INSTAR Á XUNTA A ACEPTAR A CONDONACIÓN DA DÉBEDA PROPOSTA POLO GOBERNO CENTRAL


