Quedan oito partidos na fase regular da Terceira RFEF e en Boiro ben saben que serán como oito finais. A primeira delas xogarana fóra da casa ante un dos seus rivais directos. Os de Tizón visitan o campo dun Atlético Arteixo ao que igualan en puntos. Levan catro partidos invictos, sumando dúas vitorias consecutivas que os sacaron do descenso.
O Boiro terá así unha oportunidade de ouro para resarcirse do partido de ida, no que caeron en Barraña cun duro 1 a 6. Buscarán a vitoria ante un equipo tan necesitado de puntos como eles.
