O Concello de Noia prepara tres días de festa ao grande polo Entroido. Festa infantil, enterro da sardiña e o característico París Dakar serán os pratos fortes desta nova edición.
A primeira celebración será o luns 3 de marzo coa festa infantil, celebrada no Pavillón Alonso Rodríguez. Contará coa actuación de Paco Pakolas e substitúe ao pasado concurso de disfraces infantil por, segundo o Goberno local, contar con cada vez menos participación.

