Os responsables de Arousa Norte e ao mesmo tempo alcaldes dos municipios que a compoñen -A Pobra do Caramiñal, Boiro, Rianxo e Riveira- foron os encargados de presentar no marco da Feira Internacional de Turismo Fitur, a oferta turística de Arousa Norte. Nun acto celebrado no stand de Turgalicia en Fitur, os catro rexedores centraron a oferta turística de Arousa Norte no seu potencial gastronómico, arquitectónico, natural e cultural. O presidente da Mancomunidade e alcalde de Rianxo, Adolfo Muíños, destacou que “Galicia vive un momento de esplendor turístico, tal e como reflicten os últimos datos de visitantes que supuxeron un incremento de máis do 8% en 2016 con respecto ao ano anterior”.
https://www.youtube.com/watch?v=THtkeX1JmlI
