A lonxa de Ribeira pecha un ciclo coa facturación mais alta dos últimos 8 anos

O alcalde de Ribeira Manuel Ruiz e o administrador da lonxa José Manuel Orellán presentaron esta mañá o balance do 2016 da lonxa de Ribeira. Unha presentación que se realiza cada ano no mes de xaneiro, pero que nesta ocasión cobra un cariz diferente, dado que é o último ano que a lonxa se administra dende o concello. O alcalde cualificou os datos que deixa o 2016 de históricos, a lonxa de Ribeira converteuse este ano na 1º lonxa en volume de descargas e 3º en facturación entre as lonxas que dependen da Comunidade Autónoma, e a 3º lonxa en volume de descargas e a 5º en valor do peixe sumando as que dependen do Estado en Galicia. As descargas de peixe fresco e marisco aumentaron un 15%, duplicando o aumento no resto de lonxas da comunidade.