Este ano a Deputación da Coruña destina 280.556,49 euros a financiar programas de loita contra a soidade non desexada e actividades de envellecemento activo nos concellos de menos de 5.000 habitantes da provincia. A institución provincial vén de publicar no BOP a resolución provisional da concesión das subvencións deste programa, no que foron aceptadas as solicitudes de 41 pequenos municipios coruñeses, que recibirán importes de entre 3.990 e 7.000 euros para o sostemento destas iniciativas.
A DEPUTACIÓN DESTINA MÁIS DE 280.000 EUROS PARA PROGRAMAS QUE EVITEN A SOIDADE NON DESEXADA E PROMOVER O ENVELLECEMENTO ACTIVO EN CONCELLOS DE MENOS DE 5.000 HABITANTES
