Un camión e un turismo bateron esta madrugada na parroquia noiesa de Argalo, deixando dúas persoas feridas. Os dous condutores non presentaban lesións de gravidade e foron trasladados ao PAC de Noia.
Os feitos producíronse entre as sete e media e as oito menos cuarto da mañá. Uns dos primeiros efectivos en chegar foron os Bombeiros de Boiro, que procederon á retirada dos vehículos e a limpeza da vía.
