Coa tapa, “ Praia do Areal “ o Restaurante Nojira, da Pobra do Caramiñal, foi galardoado co primeiro premio do concurso +Q TAPAS realizado por Arousa Norte. Un xurado profesional foi o encargado de escoller as tres tapas merecedoras do galardón. O segundo premio deste concurso gastronómico foi para o establecemento O Curral do Marqués, en Rianxo, que presentou a tapa Ceviche de zamburiñas do bou e aire de citronella con codium, mentres que o terceiro premio foi para a tapa Polbo Kimchi do Furancho de Rianxo.
O público participante tamén puido valorar as tapas dos 33 establecementos que se sumaron a iniciativa de Arousa Norte e outorgaron o premio do xurado popular ó establecemento A Recoveira de Ribeira, pola tapa Falsa empanada de millo de zamburiña.
https://www.youtube.com/watch?v=DPMXEkQUolI