A EFM Concello de Boiro segue sumando puntos no seu gran arranque ligueiro. O domingo recibiron na casa ao Atlético San Pedro firmando un empate a un in extremis.
Os goles tardaron en chegar, xa que ata minuto 87 non se abriu o marcador, cun gol da visitante Helena Seijo. A reacción das locais non tardou en chegar, e no 92, en tempo de desconto e co Boiro volcado en ataque, Carla García puxo a 1 a 1 definitivo para reter na casa un punto moi valioso para as boirenses.
Con este empate sitúanse así terceiras por detrás de Orzán e do filial de As Celtas. Aínda non coñecen a derrota, sumando tres vitorias e dous empates. Para continuar coa boa xeira de resultados esta fin de semana desprazaranse ata Moaña para medirse ao Domaio, novenas clasificadas con seis puntos.
