A borrasca Kirk sementou un clima de incertidume sobre que ocorrería co marisqueo na ría de Muros Noia. Cos resultados favorables do Intecmar, os mariscadores da zona puideron comezar hoxe a campaña con total normalidade.
Os primeiros en facelo foron os de a pé, onde a colleita de xapónica e babosa foi segundo o esperado. Os tres quilos do cupo foron doados de recoller para os traballadores, que mesmo melloraron as expectativas que tiñan para a xornada.
