A campaña do percebe deixa sensacións opostas. Fronte á pouca cantidade de exemplares recollidos con respecto a outros anos están os altos prezos e a boa calidade, o que fixo que os percebeiros puideran superar a campaña sen moitas dificultades.
A abundante presencia de cría foi outro dos factores clave este ano. Aínda que non toda aproveitable no momento, dá esperanzas ao sector de cara ao 2025.