O presidente da Xunta estivo presente no acto de graduación de 118 novos axentes de Policía Local. Dende alí quixo mandar unha mensaxe de agradecemento aos efectivos deste corpo de seguridade, ao tempo que os sitúa como un dos piares fundamentais da sociedade, por garantir a protección e a seguridade dos cidadáns.
Dende a Academia Galega de Seguridade Pública na Estrada, Rueda destaca a responsabilidade dun duro oficio sempre próximo aos veciños e esixente en canto á formación recibidida na academia. Remarca o presidente a seguridade que hai na nosa comunidade precisamente grazas a estes axentes.