Icono del sitio CanalBarbanza.com

OS RESTOS DO FURACÁN KIRK DEIXAN O BARBANZA PATAS ARRIBA

Kirk chega ao Barbanza con intensas choivas e fortes refachos de vento. A madrugada e a mañá de hoxe estiveron marcadas polas incidencias ocasionadas polas caídas de árbores, cortes de estradas e mesmo a suspensión das clases nalgúns centros da comarca.

O incidente máis impactante foi a caída de dúas paredes do pavillón do instituto de Porto do Son, polo que se tomou a decisión de suspender as clases ata, como mínimo, o venres. Non é o único lugar onde os escolares non acudan ás aulas. En Outes o río Tins provocou graves inundacións no colexio da Serra, onde tamén se suspenderon as clases polo menos ata luns. A auga entrou no comedor no comedor e en diferentes aulas con tarima flotante, afectando tamén a diverso material.

Outro dos ríos que causaron inundacións foi o Té en Rianxo. Foi xa durante a noite do martes cando o nivel da auga comezou a subir, chegando a causar cortes nalgunhas estradas de Asados. Algúns veciños chegaron a afirmar que nunca se vira esa suba do río. Os Bombeiros de Boiro foron quenes recibiron chamadas alertando da situación, aínda que viviron unha noite bastante tranquila.

Salir de la versión móvil