Os obradoiros para persoas maiores do Concello de Ribeira botan a andar con gran número de persoas inscritas. Dende o equipo de goberno valoran positivamente o acollemento que tivo este ano a iniciativa e que cada edición conta con máis interesados.
Un total de seis alternativas aglutinan a un número real de 382 participantes. Ao estar moitos deles anotados en máis dun curso, cóntase un total de 781 anotados, o que supón un aumento do 20 por cento con respecto á edición anterior. Uns datos que dende o concello califican de éxito.