Principian os catro días de festas pola Santa Uxía en Ribeira. A primeira xornada estivo protagonizada, como todos os anos, pola misa e procesión na honra da santa.
Para acompañala, estiveron ao cargo da música o grupo de gaitas Xiada e a Banda de Noia, que ofereceu un concerto no atrio da igrexa parroquial.
Coa presenza de diferentes autoridades de Ribeira, Santa Uxía e os seus fieis percorreron as rúas da vila para rematar de volta na igrexa, onde, á fin da procesión, houbo un ágape multicultural na súa porta, para amosar a diversidade de culturas que posúe a localidade.
