O aumento do número de persoas sen fogar tanto no Barbanza como fóra de aquí non é algo novo, pero os últimos incidentes violentos producidos sobre todo en Ribeira poñen a este colectivo no foco. A busca dun lugar no que vivir para esta xente é o punto central de quen pide abordar esta problemática.
Entre os defensores desta causa destaca a petición de buscar unha vivenda para estas persoas, moitas delas afectadas pola drogodependencia.
