San Maeriño de Oleiros celebra as súas festas cun cartel cheo de actividades para todos os públicos e idades.
Comezarán mañá venres, coa xornada festiva dedicada a San Roque e San Antonio, e contarán con actuacións do grupo de gaitas Os Pequenos do Barbanza, o trío Arena Musical e dous Djs. O sábado, na honra da Virxe do Carme, repetirán os gaiteiros e haberá torneo 50 aniversario no campo da Trinidade, ademais dunha ruta cabalar.
O último día, domingo, os eventos máis destacados serán a Festa da Empanada, o partido de solteiros contra casados e a festa infantil.
Dende o concello eloxian a gran labor da comisión de festas de Oleiros, asegurando que sen o seu traballo nada disto sería posible.
