Esta mañá o titular do Goberno galego, Alfonso Rueda, visitou a bodega As Laxas, situada no concello pontevedrés de Arbo acompañado pola conselleira de Medio Rural, María José Gómez. Rueda destacou o papel fundamental que xoga o sector vitivinícola na economía galega, tendo un carácter estratéxico ao xerar emprego, sobre todo no rural, fixando poboación con xente nova e promovendo o selo Galicia Calidade.

