Como cada venres dende hai un mes, numerosos veciños de Porto do Son volveron concentrarse nas portas do seu centro de saúde esixindo a presencia dun pediatra e, dende a semana pasada, unha matrona.
A idea desta manifestación é clara, pedir de volta aos facultativos médicos necesarios para cubrir as necesidades tanto de veciños como de visitantes.
Hoxe achegouse ata Porto do Son o secretario xeral do PSdeG José Ramón Gómez Besteiro, afirmando que para o PP a atención primaria é realmente secundaria.
