O Concello de Lousame amplía o servizo de ludoteca, incluído no seu programa de conciliación “Lousame Concilia”, ás vacacións escolares de Nadal, Entroido e Semana Santa. Ata o de agora, o Concello de Lousame só ofrecía este servizo antes do inicio das clases do curso escolar, de 7:45 a 9:45 horas, e durante as vacacións de verán.
Para esta primeira convocatoria, o Concello de Lousame ofrece 20 prazas para nenos e nenas de 3 a 12 anos, que participarán nun servizo de ludoteca que se impartirá de 9:30 a 14:30 horas no CPI Cernadas de Castro durante o Nadal (once días: 22, 23, 26, 27, 28, 29 e 30 de decembro; e do 2 ao 5 de xaneiro), Entroido (tres días: 27 e 28 de decembro e 1 de marzo de 2017) e Semana Santa (tres días: do 10 ao 12 de abril).
O prazo de inscrición abrirase do 12 ao 16 de decembro no departamento de Servizos Sociais de Lousame e será inscrición única, é dicir, que as familias poderán anotarse nun, dou ou nos tres períodos vacacionais ofertados. Para anotarse só terán que cubrir e asinar o correspondente impreso de solicitude (que poden descargar da web do Concello) e presentar a última nómina ou recibo de autónomos para acreditar a situación laboral puntuable.
https://www.youtube.com/watch?v=wtnHeOvBk_k
