A Asociación Amicos inicia o programa “Ribeira Inserta2”, que servirá para axudar na inserción laboral a máis dun cento de persoas ao ano.
O equipo realizará diferentes accións para traballar pola inserción de persoas con discapacidade e en risco de exclusión laboral. Ofreceráselle aos usuarios e usuarias orientación laboral e formativa, así como un seguemento da súa situación para favorecer as súas posibilidades de inserción.
Durante o primeiro ano realizaranse diferentes accións gratuitas para a mellora da empregabilidade, cursos de Conserxe-recepcionista, Atención ao cliente, Auxiliar de transporte e comedor ou Operadora de carreta elevadora.
