Hai menos dun mes o Puebla quedouse ás portas de ascender á Preferente logo de caer na última eliminatoria nos penaltis ante o Órdenes. O club non puido celebrar o seu 50 aniversario coa promoción, polo que o equipo directivo está xa a pulir os engrenaxes para contar cunha plantilla de xogadores de calidade para asegurarse este obxectivo na vindeira campaña.
Moitos nomes son xa coñecidos para a afección, comezando polo líder do corpo técnico. Juan Alfonso Vidal, Chofri, encabezará unha tempada máis o proxecto do Puebla dende o banco. E o fará cun equipo no que haberá moitas caras coñecidas. A liña defensiva contará con algúns cambios. Borja Rodríguez seguirá defendendo a portería pobrense baixo paus, mentres que Marcos Lado e Borja Outeiral defenderán un ano máis a elástica do Puebla. Tamén o farán Diego e Julián Bendaña, ademais de Astray. O centro do campo contará con vellos coñecidos na Alta como Pablo Ronquete e Óscar Fidalgo e coa polivalencia de Jonathan Cendón.
E a pólvora de Víctor Molinos, Edu Abeijón, Alfonso Pereira e Iván García estará ao servizo do Puebla unha temporada máis. Tamén haberá caras novas que chegan para reforzar todas as liñas do campo. Manuel Sieira e Diego Ramos serán un seguro atrás mentres que Martín González e Juan García reforzarán a medular. E no ataque Hugo Suárez amosará as súas virtudes no extremo dereito.
Tamén hai despedidas, como a de Rafa Picos, ata agora capitán do equipo, que pecha a súa etapa no Puebla.
