Inspectores da Axencia Tributaria rexistraron ó longo desta mañá as Lonxas de Ribeira, A Coruña e Vigo, ademais de confrarías e vendedurías de Ribeira. Un operativo especial que comezaba arredor das 9 da mañá nas tres cidades e continuaba ás 6 da tarde. En Ribeira a maior parte do operativo desenvolveuse na lonxa e nas vendedurías que están alí instaladas, pero tamén se extendeu á cooperativa, á confraria de pescadores e varias empresas do polígono de Xarás. Co apoio da Garda Civil e vixilancia aduaneira os axentes inspeccionaron os ordenadores de ditas empresas así como diversa documentación, relativa ós últimos cinco anos de actividade, na que se reflexa ventas de peixe, contabilidade, compras e demais actividades.
O operativo causou sorpresa na lonxa, os mariñeiros atopaban o desplegue cando chegaban co peixe e marisco.
https://www.youtube.com/watch?v=hMbHOsQ1KWc